Woar buj oppegroeid?
Hier op n Leggenbarg. In mien oolders huus, den stond tussen beide wegen hier zo. Die is ofgebrokn en in 1969 bint wie verhuust noar dit huus hier. Heb ook nog 5 joar in Hooltn gewoond moar dat waarn de 5 moeilijkste joarn van mie leaven.

Hoe oold bun ie noe?
Op dit moment 60. Over 3 weke heb ik ut zo wiet, 61…

Wat dooi daangs?
Warkn bie de gemeente Riessen. In de meeste gevalln zit wie in t groen, enkele keren wat anders. 37 joar edoan met plezier, maar de leste joaren minder. De lol is weg. Deur allemaal soweco volk. Doar wordt ik ech meu van. Die begint om half 8 al te kiekn wanneer ut 4 uur wordt.

Hei doar veur e leerd?
Ja, vanof begin bettie zelf spuln verkoopn. Klussen bie leu thuus in tuin enzo. Toen kwam de tuinbouw schoole en bun ik doar hene goan. Doar de vakopleiding gevolgd. Dat was dan 1 dag leern en 4 daagn warkn. Toen bun ik begonnen met warkn in 1976. Had ik er net 3 weke warkn opzitten, rijd ze mie van de sokkn. 8 moand ziektewet. Doar heb ik verder niet heel lang gewerkt. Anderhalf joar bie Holtens Höfke gewarkt. En toen heb ik anderhalf joar in Deventer gewarkt. 6 weke in Almelo en toen ging de kogel deur de karke en ging ik noar Riessen.

Woerumme won ie nog op leggenbarg?
Aj dr altied heb gewoond, ik bin niet zo ene die overal geet wonen. Ie kent de leu allemoal en dat hef wa wat.

Wat veur auto heb ie?
Opel Insignia

Woar mangs oe snachts veur wakker maakn?
N goein biefstuk stoa ik wa veur op

Vertel es een mooie strekke waj ooit hebt uut e vrett?
Phoee. N mooie strekke…. (denkt)
Auto’s op blokke zettn van leraren, leraren opsluutn op schoole

Riessen / Nijverdal of Hoolt?
Holten

Sloabonen / Sloat / Andievie
Sloabonen

Klompen / sandaaln / leerzen
Klompen

Fietse / trekker / auto
Auto

Mobiel / Aaipet / Tillevissie / kraante
Mobiel


Bieflappe / karbonade / halven haan
Loaw t moar bie ut eerste hoaln, ne biefstuk

Beeste / Vaarkns / Kippn
Beeste

Bier / Borrel / Fris / wientje / sapje
Dat eerste

Wat dooi oaver vief joar?
Hoppe ik dat ik a 4 joar bie huus binne. Hoop dat ik volgend joarn mag stoppn.

Wat is oe hobby?
Beetje in de warkplaatse knooin, in de tuin natuurlijk, beetje holt kloovn. Van alles wat

Wat is oe grutsen blunder wat oe oaverkomm is?
Ja dat ik 5 joar in Hooltn heb gewoond. Heel ander slag leu doar.

Hei wal es wat vremds metgemaakt opn leggenbarg?
N poasvuur van autobeende.

Johan: Ja den hef bie oons op t land gestoan. Kuj nog n plekke van zien. Wanneer was dat? Middn joarn 60 zoiets?

Bennie: Dat is toch 2 keer geweest ofniet?

Johan: Ja volgens mie ook maar die joartalln komt wie niet good uut.

Bennie: Hij hef ook gestoane eerder bie Hartog Bernard.

Johan: Ooh doar op ‘n veurste bunder’


Mis ie wat opn leggenbarg?
Neeuh, niet ech.

Woar stoar ie oe a op n leggenbarg?
Elk niet wat, kan zo niet wat bedenken

Bint wie nog wat vergettn te vroagn ? Of wil ie nog wat kwiet?
Kwiet wiln, nah. Iets voor de echte jeugd. Misschien doar iets veur op te zettn. Van 12 joar tot 18 zoiets.

Bie wie mot wie de volnde keer wean?
Erna Landeweer


Terug noar de vroagn an...