Wie was oe va en oe mo?
Mie va was Antoon Grolleman, Nellie's Anton det is ne biename, en den kwam uut Nieuwheeten. Mien mo is Dina Reimert uut Hoarle. Heur biename was Meenk Diene

Hoe old bin ie noe ?
43

Wat dooi daangs ?
Euhm van alles wat;de huusholding ik werke met op de boerderie,haand en spandiensen, boekholding.
En ik goa nog tweeënhalve dag hen werk'n. Det is bie gezondheidsdienst voor dieren, det mai eigenluk nit meer zegn, ma goed, in Deemter.'t Is administratief werk; contac met klantn en gezondheidsdiensen probleem'n ok oplossen. Telefonisch en administratie half half ongeveer.

Hei doar ok vuur eleerd ?
Nee helemoal nie. Vroeger hek 3 jaar opleiding verzorging edoan, 3 jaar in Deemter ewerkt as gezinsverzorgster.
Toen bin ik e trouwd , 4 jaar ongeveer in nijverdal bie de gezinsverzorging, toen yvonne geboorn werd ben ik estopt. Wanneer bik wie begun? Joa vijf joar geleden wier bie Laser begun, ministerie van landbouw, toevallig doar an de slag e kumn,3 jarig contract. En noe bie de gezondheidsdienst.

Woerumme won ie nog steeds op Leggenbarg ?
waoromme? Wie hebt hier de boerderie he. Ik hoop hier nog lange te kun'n blieven wonen,maar wie hebt 'r een heel erg zwoar heufd in. Wie wilt heel graag hier bliem'n mar wie weet niet hoe de toekomst 't brengt met die reconstructiewet det leg ne hele zwoare druk op ons. Wie vroangt ons af oft wa kan.

Wat vor'n trekker of auto heb ie ?
Met'n trekker kan ik toch niks met, met'n auto de caddy daar rie ik 't meest mee.

Woer mangs ze oe snachts vuur wakker maakn ?
Nergens vuur,ik bin al lange blie as ik de heeln nacht an 1 stuk door kan bliem sloapn.
Chantal kuj ut biebliemn? (het typen)

Vertel es nen mooie strekke wai ooit hebt uutte vrettn ?
Des noe een meulijke vroage, hay die dan zelf verzon? Een ander kant better verteln, vrogger op school in Arnhem hadde wie ne kamer met 'n paar meid'n. Toen hebbe wie de hele kamer onder de knoflook gestrooid. Det hew e weet'n!! Daage lang hef als noar knoflook e reuk'n

favoriete liefspreuke ?
Hek nie, zulk zo nie weten.

Woar bin ie vuur?
Riessen / Nijverdal /Hooltn
Nijverdal.

Sloaboonen / Sloa / Andievie
Dat ligt er maar net an, an de tied van't joar, stamppot andievie.

Kloompe / Sandaaln / Leerzen
Des ma net wak an't doon bin;sommers sandaaln, vlug noar buuten de klomp'n, en de leerzen hek ok wa vake an.

Fietse / Trekker / Auto
Auto

Computer / Televisie / Kraante
Das een moeilijke, zol er geen van 3 wiln missen mar,no doe moar tv.

Bieflappe / Karbonade / Halven haan
Biefstuk

Beeste / Vaarkns / Kipn
Mag d'r ok twee? Dan zeg ik varkens en beeste.

Wat is oe grutsen blunder waj ooit maakt hebt?
Ik heb der twee: Nog moar net etrouwd en va en moe had'n ne greuntetuin hier. Ik kwamme terug van't wark, 'n tuin in, snie spinazie af,ik doo ut in de panne en 'k dagge wat roar spul den spinasie!! Jos zien mo de bie:
Jaa die eeste en tweede rieje waarn gin spinasieplanten mar sloa planten; Hak sloa planten af esneedn!!
En e kokt. Verget mie nooit wier. Hun druk met'n greutetuin en ikzelf alle sloaplaant afsnien!!
En ne keer, hier achter, waarn wie een garage aant bouwn.De plaatn hung'n d'r nog los op.Ech ne storm det d'r an kwam. Hard reegn! Kump Jos bin'n: Help eem de auto's boetn zetn. Noar boetn. Jos ne auto noar boetn en ikke eene; BANG !!: Steil teegn de trekker,ne groot'n duk in'n auto!!

Hei wal is wat vremds mettemaakt op 'n Leggenbarg?
Ja!!(lach lach) Dat hek eiglek nog nooit teeng iemand verteld. Op'n gegeewn moment wie bint noar een verjoardag hen e wes. Zag ik 'n fietse langs de weg!! 't Was bie Abbink. Ik zeg teegn Jos doar lag ne fietse langs de weg.
Jos zeg: Ik geleuf de niks van. Toch mar met de auto achteruut en 't licht erop en doar lig d'r ech eene in'n sloot!! Das gait toch nie? Met zien suukerziekte !? Goh den kan ok zo nen anval e had hem. Kiekn; Ne jas!!
Steet er iets met een cobra erop. Ik zeg teegn Jos goat d'r maar uut ie weet ma nooit. Wie deun de deure open en der vleug er eene in de beene!! Ik bin mie dood e schruk'n. En wie 't wes is ? Wie verwacht dat 't plakkie e wes is. (Hilarisch lachen) Wie hebt 'n auto mar wier e pakt. Jos zeg: d'r is ok niks an de haande, he kan nog hard loopn. As ne rotte vleug e de sloot uut!!! Ik bin mij Dooood e schrukn!!! Ik had ech zo iets wat mie noe overkumn is.
Of e dach hef dat wie politie waarn ofzo? Det week ok nit. Of 't noe Gait was of zien neef? Wie weet 't nit. 'T is al wel een poar joar e leene.

Redactie: Jas met cobra? Plak vertel.......Webmaster : (iederene wil zo'n jas, mar bin bang dat ik de enige bin op'n leggenbarg.....Ps, noa lang noadenken -> de neefkes warn wal met mekaar; waarschijnlijk op de terugweg van een feessie)

Mis ie wat op leggenbarg:
Euhm,nee noe nie meer..
Ik kwam uut Nieuw Heet'n, as doar wat organiseerd wun deer iederene met. Ie wun overal bie betrukn.Toen ik hier kwam, ie heurn hier nans bie, nit bie Riessen, nit bie Hooltn, nit bie Nijverdal. En det verenigingsleem:
Samen wat doon wat ondernem'n zoas 'n dorpsfeest,'n zeskaamp. 'n Sport was ik heel druk met. En det soort dinge missen ik erg. En ak dan noe see volleybal en de buurtfeesten det hef heel vulle teweeg e brag. Dai mensen leert ken'n en 't contact in de buurte. Moar noe hem wie dat wa. Das 't mooie van noe met'n zeskamp en
volleybal.

Woar stoor ie oe an op'n leggenbarg ?
Stoorn niet echt, moar mensen hem heel vaste gewoontes. Zo bink zelf helemaal nie, stoor mie er niet ech an moar mosse er wa heel erg an wen'n.

Wat vin ie van dit vroag gesprek ?
Gezellig, ja is wel gezellig (Lach lach)

Bint wie nog wat vergetten te vroang ?
Vergetten weet ik nie, moar sommige vroang had'n wel uutgebreider moogt.
Vroang uutgebreider maak'n, hobbies en zo, en die vroagn met die drie antwoord'n; Motivatie de bie.

Wil ie nog 't eene of 't aandere kwiet ?
Nee hoeft nie.

Bie wie mut wie de volgende keer wean um te vroagn ?
Ab van de Sputter, 20 joar verschil en 6 huuzen verder ongeveer.

Bedaankt vuur dit vroaggesprek, het kump der wal op te stoan

Terug noar de vroagn an...