Hoe geet det noe zo’n dag hooltsleppen? Doar wilt wee oe wa ietskes van vertellen.

Ut begon Gister um 10 uur bie de familie Schorfhaar. Annie had grote potten koffie e zet. De eesen druppelt de boulevard bie Herman op. Den van de Hattog, de boswachter (nit de dikke )en eene van de Pier. In de veert´n heurd ze ne trekker roazen en det kump snel noaderbie. Jowa; Merienske( den was an ut dwalen deur de Leinige op zeuk noar enig teken van leven want oons Merienske hef gin internet) met zien Ferguson.

Ook Wilfred is inmiddels gearriveerd. Noar binnen en an schoeven an de toafel bie Herman, Alfred, Anita en Annie. Henig an komt d’r meer binnen mar ut blif ne verrassing wee dr noe weer allemoale kump. Um ut kort te hooln: De koffie vloeit riekeluk en de Kooke wut met smaak noar binnen e warkt. Doarzitte wee dan te preken tuut det dr eene zich bedeg woar wee veur e komn bunt.

10 veur elne ut heele spul noar boeten en vlog iedereene alle kaantn oet. Vervolgens weet niemand woar ut noar too mut. Doar schut Merienske hen met alleene Herman op de waage. Jehan van Nijland zit bie den van de Hattog in de auto en kump tot de conclusie dat wee midden in de metropool wat Nijverdal heet mut wezen. Met grote spoed wut Merienske de weg of e sneden en tuut stoppen e maant. Zee mut mar even wochen tuut dat den van de Hattog en Jehan de patatpanne hebt op e haald bie de afwezige B. v. d. Sp. Veurmalig burgervader v.d. Leggenbarg.

Noe blik dee panne ontzetttend vies te wezen zodet der ees een half uur poetst mut wurn mar dan ist nog nit kloar en mut ees Merienske Herman en Jehan met de auto noar Nijverdal e brag wurn.

Gelukkig kriegt wee hulpe bie ut schoone maakn van de Baronesse mar ja; den is ant schildern (met de heure) en heur vriend lig met de rugge in berre. Ie kunt ut ook treffen nit dan?

Kump ut spulken in Nijverdal an weet ze nit woar ze precies mut wezen. Gelukkig bint dr mobiele telefoons en kunt ze noar de Hoolterweg want bie ut aandere adres bunt ze al kloar.
Komt wee doar an steet mie doar un rietjes huuske woar ie van denkt det dr nog ginne connifeere achter past. Blik doar achter ne tuin te zitten woar zelfs de koninginne nog jaloers op is zeg mar nen kleine Hoolterbarg.

Okee; de kearls ant laden en laden en laden.
Jonge jonge wat een bult hoolt en det is nit arg mar zo heenig an begint wee wal zin an patat te kriegen. In plaatse van de normale tied van ongeveer half eene wut ut half tweeje veur det wee achter de patat zit. Heurt wee ok meteen dat ne boom tegen Wilfred (alias Hompe) zien trekker is an e reden; Spiegel kapot en oetloat krom.

De dames Wilma B, de barones (alias Chantal) en Alie v.d.H.hebt inmiddels de vetpanne schoone en bunt ant bakken e goane.

Natuulk verget wee ook onze zeeke slepper Plak nit. Er wurd hem opt berre een geurig patatje met kroket e brag (zodat hee mar snel weer mag worden genezen). Inmiddels is ook Geert, Nick van de Hattog en de dikke boswachter( alias mini Hompe) gearriveerd. Der wutr good e getten. J. van de P. hef oonze site good in de gaten e heul’n want der bint…….TOETJES !!!! Oh wat lekker. Dr wut e smult tuut det wee dr rode oortjes van hebt.

Direct noar de middag wut de nog volle wagens noar ut poasveur terrein e veurt. Meriens, de dikke boswachter en den van de Hattog zit in de auto e kriegt plots telefoon: Dr hef der eene oalde tuinhekken e stut en den mut anneheuln wurn. De kearls zet de achtervolging in….. maar bie de nieuw an te leggen leggenbargse schietbaane wut hun de weg verstoord deur grote greefmachien’n, trekkers met giertanks enz. In de verte zeet ze de dader nog riejen. Dan mar links of richting de oale vuilnis belt en dan mar probeeren um dr umhen te kommen zodat ze da dader toch nog an kunt hooln.

Groote snelheid en ineens: tak.tak,tak tak. Gin ne boomtak mar een tikkend geluud. Zie ligt oonder veur. Bunt ze al an ut scheetn bie de scheetbaane? De dikke boswachter (alias peter Averdijk ook wa mini Hompe) springt met gevoar van eigen leven uut de auto en duk de sloot in. Van daoroet kan hee vast stellen det de auto is e raakt deur…… nen groote viefduumer den dus vaste in de band zit en dus bie elke keer det ut wiel roond geet ut spatbord raakt. Helaas gin anhoolding vandaage. Dan mar eest de band plakken.

Inmidels bunt de wagens bie ut poasveur leug e maakt en is iedereen alle kanten weer op e vleugn. J. v.d.P hef heui verkog en mut det eest eemn ofhaandeln. Doarnoa geet hee met de wichter vast noar de hoolterbarg um alvaste een waagntje te laden.

De rest geet naor de posweg op de Borkeld um doar heel mooi spul op te laden(bedankt hierveur Oald burgervader B v.d.SP:wee begriept noe ook woerumme ie de nit waren). Natuulk komt wee dr achter det wee ne sluttel van de trekker kwiet bunt e wurn. Gelukkig kan Merienske de trekker nog weer starten. Dan terugge noar ut poasveurterrein afladen en snel noar J.v.d. P. in de Hoolterbarg.

Johan (v.d. P.) hef de waage a bienoa vol. De aandere waagns wut half vol e laden en dan met groote spoed noar de keet achter ut bier.

Inmiddels bunt ook de boswachter ('n eggen) en ex buurman J.B. gearriveerd. Hompapa hebt wee nit e zeene. Verder groot feest. Erwin weet wal hoe de resteerende kroketten en frikadellen van de middag moaltied bakt kunt worden dus dee goat dr nog wel even in. Gelukkig hebt de meesten s’aomds nog wal iets zodat ut feest nog wel een keer offelop is.
Iedereene geet noar hoes zodat ze zich kunt veur bereiden op de 17e meert.

Zo geet det noe zo'n dagje sleppen.

Tuut de 17e .


Terug noar de ni-js berichte...