Noa een aantal jeurkes wochen was dan eindeluk de tweede Leggenbarger trekkerslep. Ut zat met. Ut weer, ut publiek, de kleine 40 deelnemmers: zo gezeg good vuur mekoar. Spreekstalmeester Plak was good op zien plaatse en wis de spanning voelbaar te maakn toen der op een bepoald moment een geweldige strijd lus braan tussen de bessen. Uuteindeluk kon der mar eene winnen. En det hadden zie ok wa verdeent. Marcel Beltman van team Broeze  was gewoon de beste!!! Doar mut ik wa bie zeggen det eene van de organisatie det ok met deed een geliek aantal punten had mar sportief as Erwin was wol he gin ansproak maken op de titel. Ut had zeker ok e scheeld as de slep met was e num\'n in de puntentelling mar helaas (ondaanks de geweldige inzet van André, Harm en Ruud)was de juri niet in stoat de afstanden bie te hooln. Bie de damessprint  vul Christel in de prieze en doarmet den van de Hattog want den mog heur kussen en det deed hee geerne.

Onze dank geet uut noar de sponsoren Broeze en Tuller, de organisatie, de deelnemmers en ut geweldige publiek. Ut was gewoon wier een geweldige dag!!

Ps: Heb ie nog mooie foto's emaakt? Mail ze even noar: info@leggenbarg.nl